Las islas jos lo sang

Synopsis

Los personatges de Dau vent dins las plumas, Joan-Francés Barnabeu Segur de Malacomba, la tendra Nani, lo fier Angelo e lors companhs, laissan enfin las ribas de Garona per ganhar l’Anglaterra ente los espera Sir Cromwell. Viatge plan riscat ente un pirata se cacha darrier chasca ersa. Mai dangeirosas enquera son las vanelas e las plaças de London. Segur s’i pòden rencontrar de las figuras simpaticas e plan conegudas, mas lo mai sovent un s’i còpa de las testas, un s’i cotela, s’i pingalha. Se raletan la mòrt e la traïson. Mas l’orror suprema será tucada quante van segre las armadas anglesas dau costat de Dublin. Anglaterra, Irlanda, vos setz ben las islas jos lo sang.