Chamin de Copagòrja

Resumat

« E qué dire per sa defensa ? Que ’fectivament aviá corsat lo Pablo per li fotre una sarclada, mas que, quante l’aviá pogut júnher, quauqu’un aviá desjà fait lo trabalh, e que l’autre era coijat au mitan dau sendareu, la testa duberta per un còp de bilhon. »

Enquesta plan malaisada per lo comissari Darnaudguilhem… Mai o mens immobilizat dins la bòria de sos parents adoptius aprep una operacion dau genuelh, fai la rencontra d’un dròlle dau país que suert de set ans de preison per un murtre que a pas comès. Emb l’ajuda de collaborators mai o mens oficiaus, se lança dempuei son « liech de dolor » a la chercha dau murtrier vertadier. Coma totjorn, l’afar pas tant simple coma quò, esvelha daus ressons sauvertós vielhs de trente ans.

Una disparicion inexplicada, un vielh texte de chançon que sembla portar malur, un chamin bien nommat Copa-Gòrja, quauques mòrts de mai, veiquí de que, entre umor e suspense, vos tener en alen jurcinc’a la darriera pagina.