Questions Sovent Pausadas

De segur ! La Librariá occitana, qu’es una vertadiera botica !

Nos trobaretz a Limòtges (42, rua Viena-Nauta), sem duberts los dimarts e dijòus de 3 a 7 oras de la prangiera, los dimecres, divendres e dissades de 10 oras a 1 ora lo mandin e de 3 oras a 7 oras l’apres-miegjorn (quò barra a 6 oras lo dissades).

Podetz d’alhors comandar en linha sus nòstre site e venir querre la besunha a la botica, qu’es gratis !

Livrem pertot en França e a l’estrangier.

Per 100 € o mai de ‘chaptason, la livrason es gratuita si chausissetz La Navette Pickup.

Nòstra chausida de produchs e lor pretz son valables tant que n’um pòt los veire sus nòstre site. Tenem a jorn l’estòc lo mai possible e tornem far pervesion dau mielhs que podem. Totparier, si quò que vos comandatz es pas o pus disponible, nos vos iò faram saubre (per corrièl o per telefòne) lo mai leu possible.

Vos perpausaram un temps de mandadis diferent de lo qu’era prevut. Podretz, si voletz, anullar o eschamnhar vòstra comanda.

Si un article es pus disponible e que fasetz la chausida d’anullar vòstra comanda :

• Dins lo cas d’un reglament per carta bancària, tornarem versar sus vòstre compte lo montant de l’article o dau totau de la comanda, coma voletz.
• Dins lo cas d’un reglament per cheque :
  • si pen article de la comanda es disponible, la Librariá occitana vos tornará mandar vòstre cheque ;
  • si un o mai d’un articles de la comanda son disponibles, auretz la chausida entre vos far remborsar la diferéncia per cheque bancari o vos far far un aver a valer sus una novela comanda.

En linha

Paiaratz vòstra comanda en linha, siá per carta bancària, siá per cheque, que chausissetz de vos far livrar per la pòsta o de venir la querre a la botica.

Per tota comanda de mai de 300 €, vos mandarem los articles comandats un còp lo cheque encaissat. ‘Queu-quí deu èsser libelat a l’òrdre de « Librariá occitana ».

Per poder passar comanda, devetz crear un compte sus nòstre site.

A la botica

Daus conselhs vos fan mestier ? Aimatz mielhs nos passar veire avant de ‘chaptar ? Vos faram genta aculhida e vos ajudaram emb plaser ! Mas obludatz pas de prener de la monuda o un carnet de cheques, per ‘mor qu’avem pas terminau bancari.

Lo mielhs es de nos far saubre lo quite jorn o au mai tard lo primier jorn obrat apres la livrason, qu’avetz reçaugut daus produchs abismats, o emb de las dechas, o que corresponden pas a vòstra comanda.

• siá, en prioritat, per corrièl dempuei lo site ;
• siá per telefòne au +33 (0)5 55 32 06 44.

Tanleu que sirá avisada, la Librariá occitana vos contactará per corrièl o per telefòne per se botar d’acòrd coma vos sus un eschamnhe o un remborsament.

Los produchs a eschamnhar o a remborsar deven èsser tornats coma nuòu e dins lor embalatge, emb-d’una còpia de la factura de ‘chaptason :

• per la pòsta dins un paquet a l’adreça : Librariá occitana – 42, rua Viena-Nauta (rue Haute-Vienne) – F-87000 Limòtges / Limoges – Los despens de pòrt per los produchs pas comandats o que presenten de las dechas siran pres en charja per la Librariá occitana.
• directament a la botica a las oras de dubertura si n’es los dissades (visar las oras de dubertura).

Si s’agis d’un eschamnhe, vos tornaram mandar los produchs de la comanda de despart e qu’es la Librariá occitana que paiará lo mandadis ; si nos tornatz lo produch a la botica, vos l’eschamnharam d’abòrd si qu’es possible.

Dins tots los cas, la Librariá occitana s’engatja a eschamnhar o remborsar quilhs produchs dins los dietz (10) jorns apres qu’aiatz reçaugut la comanda o que siatz vengut la querre en botica.

Visatz nòstras condicions generalas o contactatz-nos :

+33 (0)5 55 32 06 44 o dempuei nòstre site

Clicatz sus lo boton “Connexion” en naut a drecha dau site, puei “Crear un compte” e laissatz-vos menar.

Clicatz sus lo boton “Connexion” en naut a drecha dau site, puei marcatz vòstra adreça electronica e vòstre mot d’accès per vos connectar e ‘nar sus la paja de vòstre compte.

Qu’es dins ‘quela partida que podetz modifiar vòstras donadas personalas (nom, pitit nom, adreça de livrason, adreça electronica…).

Clicatz sus lo boton “Connexion” en naut a drecha dau site, puei marcatz vòstra adreça electronica e vòstre mot d’accès per vos connectar e ‘nar sus la paja de vòstre compte.

Qu’es dins ‘quela partida que podetz chamnhar vòstre mot d’accès.

Clicatz sus lo boton “Connexion” en naut a drecha dau site, puei sus “Mot d’accès perdut” e seguetz las instruccions. Vos mandaram vòstre mot d’accès per corrièl, a l’adreça que vos aurá servit a crear un compte.

• Lo site https://libraria-occitana.org/ usa los cookies. Quò permet pas d’identifiar los utilizators mas de collectar de las informacions quand van sus lo site, quò fai que quò lor eschiva de furnir a chasque còp las informacions qu’an desjà balhadas.
• L’accès au site e sa consultacion son libres. Totparier, devetz furnir de las informacions personalas per poder far, per exemple, una comanda. La collecta de ‘quelas donadas personalas son essencialas per las relacions comercialas e lo tractament de las comandas. Tornem vendre vòstras donadas de deguna maniera.
• Mesurem lo nombre de pajas vudas, lo nombre de visitas, mai d’ente venen e quò que fan los que visen nòstre site. ‘Quelas donadas son pas de las donadas personalas. Las avem mercés a Google Analytics (TM).
• Coma iò dit la lei Informatica e Libertats dau 6 de genier 1978 modifiada per la lei dau 6 d’aust 2004, avetz lo drech de visar, de modifiar, de corregir e de suprimar las donadas que vos regarden. Per ‘quò, escrivetz-nos en balhar vòstres nom, pitit nom e corrièl a : Librariá Occitana – 42, rue Haute Vienne – F-87000 Limòtges / Limoges

Livrem pertot en França e a l’estrangier.

Per las livrasons fòra França metropolitana, pòt i aver de las taussas e daus drechs de doana en mai : qu’es a vos de los paiar.

La comanda sirá livrada a l’adreça qu’auretz balhada a l’enregistrament de vòstras donadas personalas.

La formula Navette Pickup marcha nonmas per las comandas en França metropolitana.

Un còp la comanda passada e lo reglament reçaugut, vos mandem la besunha dins 48 oras au mai segon los jorns obrats (dau diluns au divendres miegjorn), dins la limita de nòstras reservas.

Si passatz comanda lo divendres apres miegjorn, nos en ocuparam lo diluns matin.

Si quò deviá botar mai longtemps (per causa de vacanças o de festas), vos tendram au fiau sus lo site e avant que passatz comanda.

Puei qu’es la Pòsta o La Navette Pickup que prenen en charja lo paquet. Lo temps de livrason anonçat per la Pòsta es pas contractuau. Per La Navette, lo temps de livrason constatat es de 48 oras en mejana, dos jorns trabalhats, un còp lo paquet pausat dins lo punt de depaus de despart.

Segon la Lei n° 2014-344 dau 17 de març 2014 rapòrt a la consomacion (“Lei Hamon”), si ‘quò botava mai de 30 jorns per ‘ribar, siriatz en drech de demandar lo remborsament de vòstra comanda a la Librariá occitana dins las condicions especifiadas au Chapitre II, Seccion 4, Article 23.

Podetz segre l’evolucion de vòstra comanda dins vòstre espaci personau.

Dins lo cas d’una livrason en Colissimo o emb La Navette Pickup, tanleu la comanda mandada, vos faram saubre per corrièl lo numerò de segut de comanda. ‘Laidonc, podretz ‘nar veire ente ‘quò n’es de la livrason sus lo site http://www.colissimo.fr/ per un Colissimo o sus lo site https://lanavette.pickup.fr/ per un paquet Pickup.

Setz prevenguts en amont dau paiament dau montant daus despens de livrason. Comprenen l’embalatge, la manutencion e los despens de pòrt.

• per la Pòsta :
  Los despens de pòrt varien segon lo pés de la comanda e la zòna geografica.
  D’aiciant’a 1 kg, la comanda es mandada en Letra prioritària (l’opcion Colissimo es possibla si aimatz mielhs), au-dessus, es mandada en Colissimo segut/internacionau.
  Per tot autre mòde de livrason, nos contactar.
  Per los despens de livrason au-dessus de 2 kg en Oltramar, nos contactar.
  Per l’Euròpa e lo demai dau monde, un servici internacionau « Libres e brochaduras » exista, mai long e mens segur mas quò vòu vertadierament lo còp : nos contactar si quò vos interessa.
• per La Navette Pickup :
  Quau que siá lo luòc de livrason en França metropolitana e lo pè de la comanda, los despens de pòrt son de 6,90 €.
  En tirant de 100 € de ‘chaptasons, los despens de livrason son ufrits en França metropolitana si chausissetz ‘na livrason emb La Navette Pickup.

Nòstra botica a un certificat SSL confòrme e se sert dau Terminau de Paiament Electronic virtuau Paybox furnit per sa banca, lo Credit Cooperatiu.

La Librariá occitana comunicará de deguna maniera vòstras donadas personalas. ‘Quelas donadas demoren confidencialas e son conservadas d’un biais segur dins nòstra basa de donadas.

→ en francés
→ en anglés