libraria-occitana.org es la botica en linha de la Librariá occitana de Limòtges (42 Rua Viena Nauta) en Viena-Nauta (87).
‘Quela librariá associativa nasquet en 1984 de la volontat d’eissegar la musica e lo libre occitans. Dempuei 2000, ‘l’es arregida per l’Institut d’Estudis Occitans dau Lemosin.
Un luòc per vendre
L’i trobaretz mai de 1000 libres, en occitan segur, mas en francés o bilingües maitot : daus libres qu’an de veire emb l’Occitània – emb ‘na colleccion importanta sus lo Lemosin – e las lengas minorizadas :
- Contes, romans, novelas, poesia, teatre occitans ;
- Obratges sus l’istòria, la cultura e lo patrimòni occitans : costumas, proverbis, contes, chançons, cosina, practicas religiosas, monuments, toponimia,… ;
- Diccionaris, gramaticas, metòdas per aprener l’occitan ;
- Obratges de lingüistica ;
- Libres-jòunessa ;
- Etc.
Avem maitot tot plen de disques de musica occitana, daus trobadors a la musica d’aura, en tot passar per la musica tradicionala, lo ròck, l’electrò, lo ska… ; ’na seleccion de DVD ; daus vestits ; daus jaspissons, pòrta-claus, drapeus, badges, pendentius, cartas,… ;
Un centre de ressorsas
La Librariá occitana es tanben un luòc d’informacion e d’animacion per çò qu’es de la lenga e de la cultura occitanas :
- N’um l’i tròba de las entresenhas sus los luòcs de cors, los obradors, las emissions de ràdio, las manifestacions occitanas en Lemosin o alhors ;
- Se l’i fai de las mòstras de temps qu’autre ;
- Rencontras, signaturas e mai l’i se tenen regladament.
Curios nonmas o especialista, que parlessetz occitan o non, la Librariá occitana es dreibida a tot lo monde.
Aimariatz ne’n saubre mai sus lo Lemosin, l’Occitània, l’occitan/la « lenga lemosina » ?
Venetz nos trobar !
