La Bíblia : Ancian Testament

Resumat

Enfin ! Per estonant qu’aquò semblèsse, cap de revirada integrala del tèxte de la Bíblia èra pas jamai estada publicada en occitan. La presenta edicion comola aquela manca e fa possible a totòm de legir en lenga d’òc aquel òbra religiosa fondamentala qu’es tanben una de las sorsas màgers de nòstre patrimòni cultural.

Aqueste volum compren lo tèxte complet de l’Ancian Testament, tradusit per Joan Roqueta-Larzac suls tèxtes ebrèu, aramean e grèc de l’original (amb introduccions, nòtas e mapas).

Joan Roqueta-Larzac èra plenament qualificat per menar a bon pro aquel immense prètzfach, abotiment de tota una vida d’exegèsi e de professorat biblic. Es tanben lo poèta sensible a la beutat de la paraula sacrada, capable de ne far ressontir totes los armonics dins una lenga d’òc que mestreja a plec.

Prefacis d’Emili Puech, de l’Escòla Biblica e Arqueologica Francesa de Jerusalèm, e de Monsénher Glaudi Azéma, avesque auxiliar de Montpelhièr.