La Distanciacion

Resumat

Quand los parents èran al trabalh, la grand mairala s'ocupava de Paulina, abans qu'anèsse a l'escòla e après. La menava o l'anava quèrre regularament. Veusa, viviá sola dins son ostal a qualques centenats de mètres. S'endevenián plan totas doas. Li legissiá de libres pels enfants, li contava de causas de son temps, li parlava de las flors, de las plantas de l'òrt, dels aucèls que se venián ajocar suls arbres. Li explicava qualques recèptas de cosina e la fasiá participar. Èran de moments d'una granda complicitat. Li balhava de conselhs a proporcion que veniá drolleta. Entre autras causas, li disiá que se cal mesfisar dels autres : - Se fisar es plan bon, se mesfisar encara melhor.

Lo desir d’èstre maire, la dificultat de la maternitat, las inquietuds de l’educacion entre proteccion e libertat. Es possible de viure sa vida dins la mesfisança ? Lo novèl roman de l'autor de Delai la mar, Lo barracon, Un estiu sus la talvèra...