Lo viatge aquitan

Resumat

« E aurá, “Juli Lasfarjas, sabe pas quora – 1969 ; mòrt dau beure”. Si me sovene bien de çò que disiàs de ta familha, i a degun pus a conhar dins lo cavòt. Degun saubrá jamai que ses tornat au país… Quau viatge nos as fait far, quau viatge ! Laissa-me me pausar un pauc. Après, faudrá que me’n tòrne ; sabe pas onte, d’alhors. Benleu lai d’onte venem. L’ivern vai pas tardar. Aurá que sei sole, quò me ditz pas grand chausa, vei… mas fau ben ‘nar en quauque luòc. Enlai l’ivern es doç ; quò plòu, d’acòrd, mas fai pas freg. Biarritz, Andàia, Sent-Joan-de Luz… Ne’n ses ben l’encausa, si l’avem quitat, queu país. Lo Ramon dau Miramar z’aviá dich qu’auriam pogut demorar. Un bon tipe, lo Ramon. »