UNA PONHADA D’ESTELAS

Resumat

Una ponhada d’estelas

“Los sovenirs d’enfança treslusisson sovent de milanta biòlas : las empusa una languison tant mai dolenta que lo temps fugís. Los seus recòrds, los trigossava ben parièr lo Marcon ; son ligam, tant de còr coma d’ase, amb aquela contrada d’en Peirigòrd Negre ont i èra nascut e i aviá crescut, embelinava encara mai son agre mainatgenc que son imaginacion i rebordelava a ne poder mai.”

Aquel libre es un raconte de la vida dins lo campèstre d’en Peirigòrd Negre a l’entorn de las annadas 1940, viscuda per un mainatge, mas tresmudada pels sovenirs d’un adult. Emai se lo retrach d’aquel temps se fai pel biais dels trabalhs e de las sasons, la tòca n’es pas pedagogica, nonmàs evocadoira, poëtica tant que se pòt, e salpicada de languison de l’enfança, sens pas cap de vergonha.

Autor : Fijac, Jaume
Linga : Occitan (lengadocian)
Parucion : 10/2014
Editor : IEO Perigòrd Novelum
Nb de pajas : 153
Format : 12,5 x 19 cm
Pés : 170 g
EAN 13 : 9782917451212