Lo libre
Après La Lison dau Peirat que, a las Edicions dau chamin de sent Jaume, dreibia la colleccion « Nòstre monde » en 2005 e La Setmana de la Lison dos ans tardier, l-i a ’gut per la Monica Sarrasin nòu ans de silenci literari.
Mas que fasia donc d’aqueu temps dich ?
Ò ! ’Quo era n’es gran un silenci deleser. Estudiava a l’Universitat d’a Montpelhier l’occitan e sa literatura, de long de temps (dau segle XII au segle XX), d’eslarg d’espaci (de Provença a Lemosin).
Nos ne’n tornet emb la licencia e los dos masters dins la biaça.
Un voiatge intellectuau, iniciatic, que li era de neciera, probable.
E a nòstra sabenta, per nòstre bonaür, l’enveja d’escriure tornet.
’Quò nos balha uei uech retrachs publijats jos lo titol « D’Entre tant, quauques uns » que, de la colleccion « Nòstre monde » n’es lo n°8.
Totas las qualitats qu’aviatz aimadas dins los dos prumiers libres, las tornaretz ’quí trobar.
Monica Sarrasin sap campar lo monde dins lor veritat, los sap far viure, parlar, los sap menar de cencena d’istòria, en granda justessa e libertat de ton.
La lenga era plan bona, es ’quí enguera mai richa.
Un bon libre ente, coma dins la vita, òm passa dau rire a las gremas, aquí leugier, aquí greu… La vita.
Per ne’n saubre mai
Libraria occitana – 05 55 32 06 44 – libraria.occitana@ieo-lemosin.org
