Per la Setmana dau Gost, la Libraria occitana e Hélène & Nicolas Primeurs vos conviden a descubrir e saborar daus plats lemosins.
Libres en scena
Pendent tot lo mes d’octòbre e d’aiciant’ a la meitat dau mes mòrt, trobaretz daus libres de la Libraria occitana en veirina a las Alas. Si quauqu’uns vos fan envia, coneissetz l’adreça, 26, rua Viena-Nauta, mas se poden tanben reservar entre chauls e racinas au banc de Hélène & Nicolas Primeurs !
‘Chaptatz en occitan
Chas Hélène & Nicolas, lo banc es a las colors occitanas. La frucha e las legumas an ‘n’ estiqueta dins la linga per l’enchaison. De qué vos far suvenir o aprener quauques mots en tut far vòstras comessis !
Degustacion-descuberta
Divendres 15 e dissades 16 d’octòbre de 10h a 12h, venetz descubrir daus plats dau país, bargassar sus la cosina e vòstres biais de far, en francés e/o en occitan. Ne’n tornaretz plan emb d’un bocin de receta o quauque bon libre !
Per ne’n saubre mai
Hélène & Nicolas Primeurs – 05 55 33 54 02 / 06 23 88 72 55
Libraria occitana – 05 55 32 06 44
