Dialògues occitans – Lemosin (libre + 2 CD)

Resumat

Après avoir publié les Dialògues occitans (nouvelle édition) en parler sarladais de Daniel Chavaroche, Novelum présente ici 56 dialogues écrits en occitan limousin par le regretté Gilbert Bourgeois.
Comme leurs homologues nord-languedociens, certains d’entre eux sont enregistrés avec talent sur 2 CD.

Quilhs « Dialògues lemosins » de Gilbert Borgés s’inscriven dins l’enveja de transmission de la lenga occitana que fuguet la soá : « passaire de lenga » dins son trabalh d’abòrd, que i fuguet regent chaminaire e tanben de classa bilingüa, e per lo quau permenet sa guitarra e sa biaça plan coneguda dins mai d’una escòla dau Nòrd-Dordonha. Transmission per l’escritura tanben, per far viure quela lenga dins lo monde d’aüei. Nos fai present dins quilhs dialògues, daus uns còps tirats de pitas istòrias viscudas, d’una tropelada de portrachs saborós, jos una espiada afialada e petejanta mas benvolenta maitot, que monstra bien l’interès e l’amistança que portava a la gent / aus autres.

Gilbert Borgés (en francés Bourgeois) nasquet en 1962 a Gots e Rossinhòu. Quò es per son pair que, d’en prumier, auviguet parlar l’occitan. Aprep daus estudis de sociologia, entret a l’Escòla Normala de Perigüers. Comencet sa carriera de regent a Puei ‘Gut e demoret totjorn dins la circonscripcion de Dordonha Nòrd, ente venguet regent chaminaire en 2011. Puei tornet dins lo primari a Brantòsme en tot contunhar de far lo chaminaire, puei junhet completament lo primari en apondre Rabairac a Brantòsme jurcinc’a 2018.
Comencet d’en prumier d’escriure en francés, daus contes que contava dins las serenadas, ‘vances de passar a l’occitan per mai d’una novela, puei a daus corts racontes esmovents, los Raibes Negres e los Dialògues, aicí presentats.