Eric Fraj : 50 ans de cançon

Resumat

Centrat sul caminament artistic d’Eric Fraj e ponctuat per d’estraits d’un concèrt amb lo guitarrista Morgan Astruc, aital coma d’una performança amb lo poèta Sergi Pey, aquel filme es l’escasença d’intrar dins l’intimitat del cantaire, de parlar de sas originas familialas, de sos 50 ans de cançon, de sa relacion a la lenga occitana, de son gost per l’ensenhament, o encara de sa passion per la poesia.

Lo filme foguèt virat en mantun lòc d’importància per Eric : son ostal de Carbona, la Calandreta de Murèth, la vila de Lavelhanet d’Arièja (breç d’una partida de la família pairala), lo castèl catar de Montsegur, e lo vilatge medieval de Sent Macari ont balhèt l’un dels sieus primièrs concèrts al començament de las annadas 1970.

En occitan, jostitolat en francés.