Languiment

Resumat

« Lo languiment, a l’encòp nostalgia e tristessa de sentí’s lonh deu país o de quauqu’un, mès tanben espèra deu retorn de quauqu’un o de quaucom com òm se langueish de l’arribada d’un amic, sòrta de saudade occitana, o « nostalgia deu futur ».

A travèrs la mea òbra, que cèrqui a revelar los sentits mes personaus e universaus a l’encòp, díser deu mond los flus qui mos travèrsan, entre marmús e crit, entre desesperança e volontat de luta, entre dolor e doçor. »

Dens aqueste navèth àlbum,  quauques cançons de Primaël dejà un pauc conegudas (Libertat, Cant de rua), ua majoritat de navetats en gascon, un duo damb la cantaira franco-malgasha Fifaliana Defontaines (Un jardin), la cançon en catalan Caminant qui ganhèc lo prèmi de la melhora cançon en catalan au festival Música i Lletra de Xàtiva 2021 (País Valencian), ua cançon en espanhòl entà hèr aunor a las soas influéncias latino-americanas e una cançon en francés en per evocacion poetica deu Canal de Brienne a Tolosa.

I escotaratz d’instruments variats com la guitarra classica, la guitarra portuguesa, l’od, la darbokè, lo cajon, e lo daf, tots jogats peu multi-instrumentista franco-tunisian Chokri Trabelsi, e lo violoncèle dens las mans de la musiciana parisiano-roergata Mathilde Comoy-Robert. La guitarra classica, lo piano e l’acordeon cromatic que l’acompanhan tanben.

Totas las dètz cançons que son heituras soas, inspiradas deu fado, de la cançon orientala, de la morna capverdiana, de la bossa, de la trova latina e deu folksong.

Entà descobrir las paraulas de las cançons de l’àlbum : https://trobasons.viasona.cat/a/1533

Titres :
1. Cant De Rua 3'42
2. Un Jardin 4'07
3. Caminant 3'47
4. Matin 4'24
5. Languiment 3'05
6. Canal De Brienne 4'01
7. Vida Ajena 3'02
8. Libertat 4'08
9. Tornarèi (Ma Tèrra Gascona) 2'29
10. Cançon De La Primaubor 3'16