Lo qui marmusava dens l’escuranha

Resumat

Traduccion en occitan gascon (Felip Biu) de l’òbra originau americana de Howard Phillips Lovecraft, The Whisperer in Darkness, pareguda en 1930.

Au long d’un escambi epistolari enter un professor d’universitat e un solitari estremat e esconut dens las sèrras sauvatjas de Nava Anglatèrra, en Vermont, lo mistèri que vad de mei en mei espés.
De vertat, aqueths èstes descriuts per Henry Akeley com esconuts au pregon de la tèrra, vienguts d’espacis galactics desconeguts, e son ua creacion imaginària, de vielhas legendas, o ua realitat esvarjanta ?
Deishatz-ve donc miar peu mèste contaire dinc au cap de Lo qui marmusava dens l’escuranha tà descobrir la vertat.

Howard Phillips Lovecraft (1890-1937), escrivan american, qu’ei un deus mèstes de la literatura fantastica. Qu’a creat tot un legendari personau e mondes fantastics poplats de creaturas misteriosas, tenebrosas e hòraviengudas.