L’occitan de viva votz : metòde de prononciacion de l’occitan lengadocian (libre + 2 CD)

Resumat

Aquí L’occitan de viva votz, metòde de prononciacion de l’occitan lengadocian concebut per Joan Fulhet. Es lo primièr metòde de fonetica per l’occitan, una aisina primordiala del temps que sa transmission depend majament de son ensenhament.

Es un metòde precís e de bon manejar que sauràn utilizar amb profièit los professors d’occitan competents en fonetica, mas es tanben un obratge que s’adreça a totis mercés a sos dus CD e que, en dètz leiçons, permet a cadun de nosautres de prononciar un occitan lengadocian digne de sa realitat, de son originalitat e de sa belesa sonòra e istoricas.

Que contunhem atal de gausir de la beltat simfonica de l’occitan !

Sèm solides que L’occitan de viva votz vos ajudarà e vos acompanharà sul vòstre camin de reapropriacion d’un occitan autonòme de cap a las autras lengas.