Melodias occitanas : 5 melodias per 1 o 2 votz e piano, 1 peça per 5 votz de femnas a capella – Mélodies occitanes : 5 mélodies pour 1 ou 2 voix et piano, 1 pièce pour 5 voix de femmes a capella

Resumat

Aquelas melodias occitanas de Bruno Rossignol procedissen d'un doble objectiu : l'arrenjament de chants tradicionaus qu'un acompanhament de piano vivifia e la mesa en musica de textes originaus que plaça la lenga au còr d'una demarcha de creacion. Dins aqueu darrier cas, lo compositor a trabalhat sus la traduccion en occitan lemosin de sos pròpres poèmas per Joan Loís Leveque e Joan Ive Agard, inicialament escrichs en francés. Son activitat de composicion es directament eisida de son percors de chap de còr e de pedagògue. Es aitau l'autor d’un grand nombre d’òbras coralas destinadas aus ensembles que dirigís o dirigiguet e de peças instrumentalas dedicadas aus escolans daus diferents conservatòris que ne’n aguet la charja. A engatjat dempuei fòrça annadas un trabalh sus la lenga occitana, mai que mai au travers d'un oratorio concebut per un grand efectiu corau e orquestrau, « La fin dau monde », escrich sus un texte de Joan Ive Agard e creat en 2013.