TIARRA FREIDA : POEMAS 1979-1989

Resumat

Quilhs quauques poemas dau Jan-Peire Baldit son un pauc un don personau a la Cruesa, e per-delai au Lemosin, que a laissat dins l’òme una sagelada prigonda.
Son quí, a portada de man e de linga, coma per celebrar una vita que daus còps es plan teuna ; quasi muda, douveirosa : “le silence de la brejassa” ; coma per exorcisar una possibla obludança. Una vita d’aici, modesta, replejada, menaçada ; una alenada que um auva a penas mas qu’exista, emb son ritme e son rite. Preséncia evocairitz que balha lo sentiment que lo temps a pus presa sur nòstra realitat umana ; volontat permanenta de far durar, d’eslonjar la segonda mai l’oras vescudas ; a l’infinit. Per ‘mor que dins la suvenença trobem l’autenticitat partajada, la sinceritat dau cuer que atend un instant de chalor e d’esper, dins la punhada de mans, dins la vision d’un “enfant esblauvit per l’auba dau printemps” …
Paur dau freg que menaça ; paraula occitana que fai rajar lo fuòc, tant necessari, per lo passar de l’un a l’autre ; nos eschaurar emb nòstres mots, fidelament.

Revuda La Clau lemosina N° especiau
Autor : Baldit, Jan-Peire
Linga : Occitan (lemosin) – francés
Parucion : 04/1990
Editor : CLEO
Nb de pajas : 59
Format : 14,5 x 20,5 cm
Pés : 74 g