JAN, lo darrier DAU MELHAU

Resumat

Jan dau Melhau lo musicaire, lo contaire, lo cronicaire, l'escriveire de tant de biais (mas que siajan pro marginaus), l'epistolier, lo legeire, l'editor, l'anarchista, l'insomes a l'armada, lo resistent a l'aer dau temps, a la societat tecnologica, cibernetica, fòra-sòu, lo pacan. Lo darrier de son monde au país que ne'n pòrta lo nom.

Tot çò que se'n podia dire en tan pauc de temps, 'queu filme zo ditz, sens floridura nimai artifici. Li balhar la paraula e li ne'n laissar segre lo fiau es estat lo pretzfach dau realizador.

En supplement :

• La chançon dau filme « Es mas ben temps de s'en anar ».
• Los artistas de Melhau. Melhau parla d'artistas que coneis e presa e ne'n mòstra las òbras.

Filme de 52 minutas de Jean-Louis Cros. Coproduccion Saison 5 (Emmanuelle Glemet) - Octele. Emb l'ajuda dau CNC.