Los contes de l’esquiròl – Les contes de l’écureuil

Resumat

« Lo volume que tenetz entre las mans ven acabar una trilogia de contes perigòrds bilingües, lenga d'oc-francés, que me teniá a còr ; una cordilhada d'istòrias, contes o novèlas que siàn, estamenada emb Los Contes de l'agaça e perseguda en Los Contes del grelh.

Tot venguet del trabalh que entreprenguèri dins las annadas 2010 per botar per escrich la lenga d'òc del Perigòrd Porpre, lo brageraqués, abans que moriguèssen los darniers, demest los quals ma paubra mair, dont aquel dialècte èra la lenga mairenala. Me semblet natural de far segre aquel recuelh metodic de la lenga, de racontes onte nòstre parlar se fariá veire tanben en sos efects de tots los jorns.

Ressons de tot lo que ausissiái quand èri dròlle, nasquèren ental aquaus contes e novèlas, venguts quitament tots de qualque evenament, un pauc en fòra de l'ordinari, dont lo monde parlet, en lenga nòstra, a la bòrda de mos grands dins mon enfança. »