L’Arquibau… e autres… nobiliconofatz

Synopsis

« A Tots Junior » presenta aqueste recuèlh de novèlas que, per sa diversitat linguistica, permet as joves de viatjar a travèrs de la lenga e lo païs, mas tanben la realitat e lo meravilhòs.

« …Quò es a queu moment que Robinson comprenguèt que podriá jamai dire son amor. Decidèt de far quauqua res de subrebeu per que la dròlla lo descubrissa ela-mesma… Fariá una flor…. La batejariá l’arquibaunobiliconofatz… »

Micheu Chapduelh

« …Aquesta setmana foguèt marcada d’una pèira blanca, qu’ambé Monica la passeriam a se regardar dins los blancs deis uèlhs. Lo matin, de la fenèstra de l’estudi, agachavi l’intrada deis extèrnes. E vaquí qu’èra l’illuminacion : darrièr l’òume de la cort d’onor, Monica ambé son cartable sota lo braç… »

Pèire Pessamessa

« Entendiam la messa de nòu oras, la messa dels enfants… Podiam pas parlar que plan pauc. Profitèri del moment de l’elevacion per marmolar a Miquèla :
– Sabes çò que dison de ta maire ?
– Non.
– Dison qu’es una puta… »

Maria Roanet

« …L’Albèrt èra pas mai biaissut que los autres ordinators que la tanta aviá trevats… E alara, se produsiguèt l’eveniment. Natalia i prestèt pas cas, lo primièr còp qu’a la fin d’un poema automatic, sortissent de l’anonimat acostumat, avia escrich : ” I love you. Je vous aime. Te quiero. Te voglio bene. T’estimi. T’aimi. Ich liebe dich…” »

Florian Vernet

« …Que soi lo Hadet d’aquera lagúa, e qu’ei pietat de tu, Jausèp ! Que’t pòdi bien balhar lo mejan de’t har minjar dinc a la bèra sason, mès que seràs aperat a sofrir dens lo ton còr. Donc, s’at vòs, que’t cambii ua plaga d’estomac e de vente contra ua pena de còr… »

Miquèu Baris