Ourika

Resumat

En aqueste raconte, inspirat per ua istòria vertadèra, Claire de Duras que hica en scèna la purmèra eròia negra de la literatura francesa. Tanlèu pareishut en 1823, lo libe qu’avó un succès fulgurant en França e per Euròpa sancèra, mes que fení per càder dens lo desbromb. Quasi dus sègles mei tard que n’estó enfin tirat e que dispausam adara de mantua edicion francesa. Lo gran public que torna doncas aver accès ad aqueth recit qui tant esmavó a Chateaubriand e qui, en har compatir lo legedor au sòrt de la joena eròia, e l’amia a partatjar las conviccions de l’autora, a saber que tots los èstes umans e son egaus e que lo comèrci e l’esclavatge deus negres e deven estar condemnats e abolits, çò qui èra luenh d’estar ua evidéncia quan pareishó lo roman de Claire de Duras.