Per l’amor : Cronicas de vita e de linga (libre + CD)

Resumat

Coma separar la linga de la vita ? Dins quauquas cronicas, parlaram un pauc mai daus moments, de las situacions e de las emocions que marquen o an marcat un biais de dire dins la memòria. Dins d’autras, voldram un pauc mai comprener perque la gent disen entau e pas autrament. Linga que ven de loenh e que contunhem de far veire e de far viure aus pitits mai aus beus.

Las « cronicas de vita » dònen mai que mai un biais de veire personau sus l’actualitat e los « problemas de societat », las cronicas de lenga vòlen illustrar e discutir quauques punts originaus de l’occitan, pus precisament de la varietat lemosina e dau parlar dau Perigòrd-Lemosin. Mas per l’autor, la coneissença de la « lenga » daus libres se pòt gaire destriar de la « linga » parlada e viscuda au país. Lo legeire saubrá plan i trobar çò que li platz o que li fai mestier : l’experiéncia comuna d’un passat occitan, o ben quauquas remarcas e citacions que vendran atisar e nurir sa curiosetat.

10 de las 65 cronicas legidas per l’autor fugueren enregistradas sus CD.