Verd paradís II

Resumat

Verd Paradís II es una garba de racontes, ressons e rebats d’un paradís perdut, que l’a causida e ligada Max Roqueta, un dels autors màgers de la literatura occitana contemporanèa.

A la descobèrta d’una natura aspra e secrèta, poblada d’èrbas e de sauvatgina, sens ges rescondre la duretat del monde.

Al briu dels racontes de Max Roqueta, se desvelan los poders d’una escritura al còp enrasigada dins las paraulas carnalas de cada jorn e creacion literària portada per la libertat de l’imaginari.

Un dels caps d’òbra de las letras d’òc.

Verd Paradís II, segond volume de l’òbra màger en pròsa de Max Roqueta, es seguit d’un tèxte de Felip Gardy, Verd Paradís, una òbra en camin.

Fotografia de cobèrta de G. Souche : Mas vièlh de Gàrdies.

Verd Paradís I (agostat - épuisé - out of print)
Verd Paradís III - Lo grand teatre de Dieu  (agostat - épuisé - out of print)
Verd Paradís IV - L'uòlh dau cat (agostat - épuisé - out of print)
Verd Paradís V - Las Canas de Midàs
Verd Paradís VI - Lo corbatàs roge