Per la lenga e la cultura d’òc : Andrieu Lagarda, la fe en òbras

Resumat

Nascut en 1925, Andrieu Lagarda a darrièr el una longa vida d’ensenhaire e de militant per la lenga e la cultura d’òc. Es pas un òme de capèlas : a trabalhat tanplan dins de mitans ligats al Felibrige coma dins l’occitanisme. Pionièr, tre las annadas 1950 de l’ensenhament de l’occitan a l’escòla publica, una de sas tòcas es estada de porgir sos collègas de material pedagogic, de los recampar altorn de revistas e d’organismes, coma lo CREO de Tolosa, e de dialogar amb las instàncias oficialas. Vengut òme de premsa, de ràdio, poèta, contaire, etnograf, autòeditor, a elaborat una òbra poligrafica d’un cinquantenat de volums sus la lenga, de reviradas, contes e racontes, remembres, sens comptar las edicions, prefacis e lo fum de cronicas. Los tèxtes aicí recampats, que venon de l’omenatge que se li rendèt, a l’enta de sos nonanta ans, dins sa vilòta de Carbona, pòrtan testimòni de l’interès d’aquela òbra.

Contributors : Domenja Blanchard, Josiana Bru, Joan Eygun, Joèla Ginestet, Philippe Martel, Patrici Pojada, Patrick Sauzet, Claire Torreilles, Marie-Jeanne Verny.
Responsables scientifics : Christian Lagarde, Martine Lagarde.

Taula