Esvolichadas – Battements d’ailes : Répertoire franco-occitan gascon des noms d’oiseaux en Médoc et autres textes

Resumat

Presentat come un repertòri das noms d'audèths dens l'occitan gascon dau Medòc, illustrat de fotografias de Francis Bijou, aqueth obratge a pre finalitat de gardar en memòria e de har viure lo patrimòni linguistic de la peninsula medoquina.

De parcs en casaus, de boishons en bòscs, de marescs en linhòus de la grand mar e sus las ribas dau bocau, sens oblidar lo cortiulau e los audèths exotics, quò's tota una coriòla de mòts mès tanben das racontes, de las poesias, das proverbs e ditòres ant pareishen, entremei tant d'autes, lo gorlit, l'alauda, la becada o la grua.

Vinguda d'enquèstas, de collectatges e de sovenirs, Esvolichadas - Battements d'ailes es atau, a travèrs sa fauna aviària, un magnific aumatge au Medòc e a sa lenga.